Kerala Sasthra Sahitya Parishath

വേണം മറ്റൊരു കേരളം

Parishad Vartha Feb 1-15

Posted 5 February, 2012 - 01:03 by admin

കെ.ആര്‍. രാജന്റെ നിര്യാണത്തില്‍ അനുശോചിക്കുന്നു

Posted 1 February, 2012 - 07:14 by admin

എറണാകുളം മുന്‍ ജില്ലാകളക്ടറായിരുന്ന ശ്രീ. കെ.ആര്‍. രാജന്റെ നിര്യാണത്തില്‍ കേരള ശാസ്ത്രസാഹിത്യ പരിഷത്ത് അനുശോചനം രേഖപ്പെടുത്തുന്നു. പരിഷത്തിന്റെ ആദ്യകാല പ്രവര്‍ത്തകരിലൊരാളായ അദ്ദേഹം പരിഷത്ത് മുന്‍ സംസ്ഥാന വൈസ് പ്രസിഡന്റുകൂടിയാണ്. എറണാകുളം ജില്ലാ സമ്പൂര്‍ണ്ണ സാക്ഷരതാ പരിപാടിയുടെ സമയത്ത് ജില്ലാ കളക്ടറായിരുന്ന അദ്ദേഹത്തിന്റെ സേവനം സാക്ഷരതാ പരിപാടി വിജയിപ്പിക്കുന്നതില്‍ മുഖ്യ പങ്കുവഹിച്ചു. ഔദ്യോഗിക ജീവിതത്തില്‍ പല പ്രധാന സ്ഥാനങ്ങളും വഹിച്ചിട്ടുള്ള അദ്ദേഹം പ്രഗത്ഭനായ ഒരു ഭരണാധികാരികൂടിയായിരുന്നു. ശ്രീ.കെ.ആര്‍. രാജന്റെ ആകസ്മിക വിയോഗത്തില്‍ കേരള ശാസ്ത്രസാഹിത്യ പിരഷത്ത് അഗാധമായ ദു:ഖം രേഖപ്പെടുത്തുന്നു.

M.K Sanu Inaugurated Padayathra Samgamam

Posted 30 January, 2012 - 23:21 by admin

വേണം മറ്റൊരു കേരളം പദയാത്രാസംഗമം ആലുവ ടൌണ്‍ഹാളില്‍ പ്രൊഫ. എം.കെ. സാനു ഉത്ഘാടനം ചെയ്തു.

മുപ്പതു വര്‍ഷം മുന്‍പ് കേരളത്തില്‍ ജാതി-മതാടിസ്ഥാനത്തില്‍ യോഗങ്ങള്‍ ചേരുവാനും വിദ്യാര്‍ത്ഥികളെ സംഘടിപ്പിക്കുവാനും ആരും ധൈര്യപ്പെടില്ലായിരുന്നുവെന്നും കുബേര്‍കുഞ്ജ് തുടങ്ങിയ തട്ടിപ്പുകള്‍ക്ക് ഏറ്റവും വലിയ മാര്‍ക്കറ്റായി അധ:പതിക്കുന്ന സ്ഥിതി ഉണ്ടാകുമായിരുന്നില്ലെന്നും പ്രൊഫ. എം.കെ. സാനു പറഞ്ഞു. ഇന്ന് വന്‍കിട ഹോട്ടലുകളില്‍ ഒരാള്‍ ഭക്ഷത്തിന്റെ ബില്ല് പതിനായിരങ്ങള്‍ നല്‍കുന്ന രീതിയിലേക്കെത്തിയിരിക്കുന്നതും ഇത്തരത്തിലുള്ള യുക്തിയില്ലായ്മയും ചേര്‍ത്തുവായിക്കേണ്ടതാണെന്നും അദ്ദേഹം അഭിപ്രായപ്പെട്ടു.