കേരള ശാസ് ത്ര സാഹിത്യ പരിഷത്ത് തിരുവനന്തപുരം ജില്ലാസമ്മേളനം ജനുവരി 8 , 9 തീയതികളില്‍ കിളിമാനൂര്‍ മേഖലയിലെ നാവായിക്കുളം എച്ച്.എസ്.എസ്സി-ല്‍ വച്ച് നടക്കും. ജില്ലയിലെ 13 മേഖലകളില്‍ നിന്നായി 300-ല്‍പ്പരം പ്രതിനിധികള്‍ പങ്കെടുക്കും. സമ്മേളനം സി ഡി എസ് മുൻ ഡയറക്ടർ പ്രൊഫ.കെ.പി. കണ്ണന്‍ ഉദ്ഘാടനം ചെയ്യും. അസംഘടിതമേഖലയും സാമൂഹ്യ സുരക്ഷയും എന്ന വിഷയത്തെക്കുറിച്ച് അദ്ദേഹം സംസാരിക്കും. സമ്മേളനത്തിന് മുന്നോടിയായി വിവിധ വിഷയങ്ങളില്‍ പോങ്ങനാട്, കല്ലമ്പലം എന്നിവിടങ്ങളില്‍ വിദഗ്ദ്ധരുടെ നേതൃത്വത്തില്‍ ക്ലാസുകള്‍ സംഘടിപ്പിച്ചു. സ്വതന്ത്ര സോഫ്ട്‌വേറിന്റെ പ്രചാരണാര്‍ഥം ഐ.ടി.കൂട്ടായ്മ സംഘടിപ്പിക്കാൻ ഉദ്ദേശിക്കുന്നുണ്ട്.

പാലോട് ട്രോപ്പിക്കൽ ബൊട്ടാണിക്കൽ ഗാർഡനിൽ നടന്നു വന്ന സംസ്ഥാന ബാലശാസ്ത്ര കോൺഗ്രസ് സമാപിച്ചു. ട്രോപ്പിക്കല്‍ ബൊട്ടാണിക് ഗാര്‍ഡന്‍ റിസര്‍ച്ച് ഇന്‍സ്റ്റിറ്റ്യൂട്ട് ഡയറക്റ്റര്‍ ഡോ.എ. സുബ്രഹ്മണ്യം ശാസ്ത്ര കോണ്‍ഗ്രസ് ഉദ്ഘാടനം ചെയ്തു. ഡോ. കാവുമ്പായി ബാലകൃഷ്ണന്‍ അധ്യക്ഷനായിരുന്നു. ബാലശാസ്ത്ര കോണ്‍ഗ്രസിന്‍റെ ലക്ഷ്യത്തെക്കുറിച്ചു ഡോ.ആര്‍.വി.ജി. മേനോനും പ്രവര്‍ത്തനങ്ങള്‍ക്ക് ഒരാമുഖം എന്ന വിഷയത്തില്‍ ബൊട്ടാണിക് ഗാര്‍ഡനിലെ സയന്‍റിസ്റ്റ് ഡോ. രാജശേഖരനും ക്ലാസെടുത്തു.
ശാസ്ത്രസാഹിത്യ പരിഷത്ത് ശാസ്ത്ര സാങ്കേതിക പരിസ്ഥിതി കൗണ്‍സില്‍, ഇന്‍റഗ്രേറ്റഡ് റൂറല്‍ ടെക്നോളജി സെന്‍റര്‍ എന്നിവയുടെ സംയുക്താഭിമുഖ്യത്തിലാണു ശാസ്ത്ര കോണ്‍ഗ്രസ് സംഘടിപ്പി. 14 ജില്ലകളില്‍ നിന്നായി 150 കുട്ടികളും 50 അധ്യാപകരും പരിഷത്ത് പ്രവര്‍ത്തകരും ശാസ്ത്രജ്ഞന്‍മാരും ശാസ്ത്ര കോണ്‍ഗ്രസില്‍ പങ്കെടുത്തു.

സമാപന സമ്മേളനത്തിൽ പരിഷത്ത് തിരുവനന്തപുരം ജില്ലാ പ്രസിഡന്റ് ശ്രീ.ബി.രമേഷ് അധ്യക്ഷത വഹിച്ചു. തുടർന്ന് ബാലശാസ്ത്ര കോൺഗ്രസിൽ പങ്കെടുത്ത് കുരുന്നു പ്രതിഭകൽക്കുള്ള സമ്മാനദാനം സംസ്ഥാന ശാസ്ത്ര സാങ്കേതിക പരിസ്ഥിതി കൌൺസിൽ ഡയറക്ടർ ഡോ.സി.ടി.എസ്.നായർ നിർവഹിച്ചു. പ്രൊഫ. കെ. പാപ്പൂട്ടി, എസ്.ശശിധരൻ തൂടങ്ങിയവർ സംസാരിച്ചു. പങ്കെടുത്ത 150ൽ പരം കുട്ടികളെ നാല് ഗ്രൂപ്പുകളായി തിരിച്ചാണ് പ്രോജക്ട് പ്രവർത്തനം നടന്നത്. ടി.ബി.ജി. ആർ.ഐ.യിലെ വിദഗ്ദർ പ്രവർത്തനങ്ങൾക്ക് നേതൃത്വം നൽകി. ടി.ബി.ജി.ആർ.ഐയിലെ ഔഷധസസ്യങ്ങൾ, മഞ്ഞളിൽ നിന്ന് ഔഷധം, ഇലഞ്ഞിയിൽ നിന്ന് വേദനസംഹാരി, ഡി.എൻ.എ. ഫിംഗർ പ്രിന്റിംഗ് തുടങ്ങിവയായിരുന്നു പ്രോജക്ട് വിഷയങ്ങൾ.

വിദ്യാഭ്യാസത്തെ സേവനമാക്കി വാണിജ്യവല്‍ക്കരിക്കുകയും അതിനെ അന്താരാഷ്ട്ര കരാറുകളുടെ ഭാഗമാക്കുകയും ചെയ്യനുള്ള ശ്രമത്തെ ചെറുത്തുതോല്പിക്കണമെന്ന് വിദ്യാഭ്യാസ വിദഗ്ദ്ധനും മുന്‍ പരിഷത്ത് സംസ്ഥാന പ്രസിഡന്റുമായ ഡോ.കെ.എന്‍. ഗണേഷ് പ്രസ്ഥാവിച്ചു. ശാസ്ത്ര സാഹിത്യ പരിഷത്ത് തിരുവനന്തപുരം ജില്ലാ സ്മ്മേളനം നെടുമങ്ങാട് ഗ്രീന്‍ലാന്‍ഡ് ആഡിറ്റോറിയത്തില്‍ ഉദ്ഘാടനം ചെയ്യുകയായിരുന്നു ആദ്ദേഹം.

ശാസ്ത്ര സാഹിത്യ പരിഷത്ത് നെടുമങ്ങാട് മേഖലയുടെ ആഭിമുഖ്യത്തില്‍ മേലാങ്കോട്ട് ഏകദിന ബാലവേദി ക്യാമ്പ് സംഘടിപ്പിച്ചു. മേഖലാ കമ്മറ്റി അംഗം ശ്രീ.ശ്രീകണ്ഠന്‍ നായരുടെ വസതിയിലാണ് ജനുവരി 10 ന് ബാലവേദി ക്യാമ്പ് നടന്നത്. ഡോ.ബി.എസ്. രാജശേഖരന്‍ ക്യാമ്പ് ഉദ്ഘാടനം നിര്‍വഹിച്ചു. അറുപതോളം കുട്ടികള്‍ പങ്കെടുത്തു. നെടുമങ്ങാട്ട് ഉണ്ടായിരുന്ന ബാലവേദിയുടെ പുനരുജ്ജീവനമായിരുന്നു ലക്ഷ്യം. വെമ്പായം പ്രശാന്ത്, കുറ്റ്യാണി സതീന്ദ്രന്‍ എന്നിവര്‍ ക്യാമ്പ് നയിച്ചു. ഒറിഗാമി പരിശീലനം, സൌരകണ്ണട നിര്‍മ്മാണം, ടെലസ്കോപ്പ് നിരീക്ഷണം തുടങ്ങിയ പ്രവര്‍ത്തനങ്ങള്‍ നടന്നു.